Акафист игорю талькову. Акафист святому благоверному князю игорю черниговскому и киевскому

Акафист игорю талькову. Акафист святому благоверному князю игорю черниговскому и киевскому

Опубликовано monarxist в 21 август, 2008 – 19:58.

• АКАФИСТЫ

Акафист Святому Мученику Игорю, Русскому Сладкопевцу

Кондак 1
Избранный Господом на служение Народу Русскому, Мучениче и возлюбленное чадо Божие, Игоре, воспеваем ти похвальная, яко паче всего многострадальную Россию возлюбившему. Ты же, яко имеяй дерзновение ко Господу, просвети омраченные умы и сердца заблудших детей Отечества нашего, да зовем ти:
Радуйся, Мучениче Игоре, Русский Сладкопевче.
Икос 1
Ангелов Творец посла тя Земле Русской, яко Пророка и певца Любви и Правды Божией, и избра по образу Мученик Своих. Мы же дивящееся таковому о тебе Промыслу Его, вопием ти умильно:
Радуйся, меры полнаго возраста Христа достигший;
Радуйся, любви к Богу и людем исполненный.
Радуйся, Правды Божией верный служителю;
Радуйся, врагов Отечества нашего обличителю.
Радуйся, певца дарование Истине посвятивый;
Радуйся, мужество и любовь к России безстрашно явивый.
Радуйся, Мучениче Игоре, Русский Сладкопевче.
Кондак 2
Видяще Дух Святый сердца твоего чистоту, и от детства твоего к небесней красоте устремление, дарова ти таланты преизобильно поэта и певца, да дарованиями сими посрамиши врагов Отечества твоего, верныя же Богу и Державе Российстей побуждая пети: Аллилуиа.
Икос 2
Разум Превечный предуведе тя подобным бытии Иоанну Богослову, усыновленному с Креста Самим Сыном Божиим Своей Пречистей Матери – Деве, рождению твоему быти сподобляя в праздник Казанския иконы Пресвятыя Владычицы, тем показуя славное твое посвящение на служение Истине и Любве Христовой. Мы же дивящеся таинственному Промыслу Божию об избраннике Своем и прославляя сие чудное сочетавание с радостью и весельем зовем ти:
Радуйся, Апостолу Любви уподобивыйся;
Радуйся, на Земле Русской высокопаримым орлом явивыйся.
Радуйся, велию любовь к себе Народа Русского стяжавый;
Радуйся, пример мужества и любви сынам России показавый.
Радуйся, юным и старым, мужам и женам велие утешение;
Радуйся, безбожным правителям и врагам России устрашение.
Радуйся, Мучениче Игоре, Русский Сладкопевче.
Кондак 3
Сила Вышняго осени тя, егда подъял еси на рамена своя Крест, обретенный тобою в селе Коломенском, в лето, егда исполнися тысяща лет Крещения Руси, и избавляя Крест Святый от поругания и забвения, изволил нести его на себе нощию по граду Москве, приглашая всех к Крестоношению и пробуждая от греховного сна, бодренным сердцем воспевая Богу: Аллилуиа.
Икос 3
Имея велию любовь ко Господу, Самому Христу уподобился еси, болезни и скорби о Русском Народе в сердце своем носил еси, возвещая в песнях о люби к России и о готовности своей пострадати до смерти за Христа и Народ. Мы же в ответ на любовь твою, славный сыне Земли Русской, вопием ти:
Радуйся, Народ спящий пробуждавый;
Радуйся, себя в жертву благоуханную Богу отдавай.
Радуйся, Крест свой с честию даже до смерти понесший;
Радуйся, устрашения и угрозы врагов Отечества презревший.
Радуйся, сцену, яко скинию спасения, посреде мира, во зле лежащего, сотворший;
Радуйся, из всех певцов о славе России ревнитель больший.
Радуйся, Мучениче Игоре, Русский Сладкопевче.
Кондак 4
Разум человеческий вместити не может, како ты, исполненный Духа пророческаго провозветил мученическую кончину свою, рекше другом своим: – Меня убиют, и убийцу не найдут! – да егда исполнится сие, воспоют Богу, избравшему тя: Аллилуиа.
Икос 4
Подобно Царственному Пророку Давиду, иже пред сенным ковчегом скакаше играя, в песнях твоих излил ты душу свою, в истине и красоте Бога обретая. Тем же и мы, с благодарением изумляясь дарованию твоему, радостно вопием ти:
Радуйся, в музыке, стихах и пении Бога искавый;
Радуйся, из всех добродетелей паче всего любовию облеченный.
Радуйся, любовию и мужеством на сцену, яко на голгофу возведенный;
Радуйся, со сцены, яко с горы высокой, любовь и правду Божию вещавый.
Радуйся, знамя Любви и Правды над Россией высоко подъявый;
Радуйся, бесов словесно низложивый.
Радуйся, Мучениче Игоре, Русский Сладкопевче.

Кондак 5
Видяще Державы Российския нестроение и Народа Русского унижение и разорение, терзался еси сердцем, восторгаясь душею к былой славе Отечества твоего, призывая возопить к Престолу Божию: Аллилуиа.
Икос 5
Бури угроз и ненависти от властителей мира сего не убоялся еси, егда по всей Земле Русской с песньми, яко Ангел с трубою громогласною, ходил еси, изобличая хищников, губящих Народ, яко овец без Пастыря – Христа и Царя, о Них же ревновал еси, любовию возжегаем, сего ради вопием ти:
Радуйся, дарование твое поэта и певца в Ангельский глас России претворивый;
Радуйся, талантами своими многих слушателей твоих обогативый.
Радуйся, возвышенного дарования твоего преизящный исполнителю;
Радуйся, внемлющих гласу твоему изрядный утешителю.
Радуйся, истомленных страданьми и скорбьми житейскими врачевателю;
Радуйся, любве, красоты и правды Божией воспевателю.
Радуйся, Мучениче Игоре, Русский Сладкопевче.
Кондак 6
Исполненный непрестающей любве и милосердия к Народу Русскому, даже до последнего дня жизни своей, не жалея сил, cо сцены душу свою за люди полагал еси, егда последний раз воспел песни своя гжельским тружеником, поспешая в Царствующий град Святаго Петра, ижеде встретил еси свой смертный час, побуждая всех сотворить надгробное рыдание: Аллилуиа.
Икос 6
Персты своими струны перебирая, яко перья голубины, чистую душу свою людем в песнех явил еси, не преставая пети, егда едина от струи оборвалась, возвещая и оплакивая близкую смерть твою. Мы же такожде слезы умиления и любве точаще, поем ти:
Радуйся, Боголюбезная жертва, любве исполненная;
Радуйся, в Царствии Божии Серафим огенный.
Радуйся, верности Христу похвало;
Радуйся, премудрости Божией зерцало.
Радуйся, трубо громогласная;
Радуйся, утра Вечности звездо ясная.
Радуйся, Мучениче Игоре, Русский Сладкопевче.

Кондак 7
Проповедуют концы вселенныя славу твою, егда при велицем стечении народа в Царствующем граде Святаго Петра безжалостною рукою врага Отечества нашего мученическую кончину стяжал еси, истекая кровию, яко Агнец-Христос, страшным зраком обнаженнаго и оскорбленнаго телесе твоего призывая всех воспеть Богу, Егоже своею жизнию и смертию прославил еси: Аллилуиа.
Икос 7
Скорбью и негодованием на убийцу весь Народ исполнился еси, егда страшная весть Землю обыде, яко возлюбленнаго сына Российския Державы жидовская месть настигла еси, упреждая всеми ожидаемое восхождение на возвышенную сцену, внезапу Голгофою твоею явльшуюся. Ныне же услыши нас, поющих тебе сице:
Радуйся, Крест твой явно пред всеми на персех твоих, яко на престоле носивый;
Радуйся, Крест Христов паче всех украшений возлюбивый.
Радуйся, Креста Животворящаго сам украшением явивыйся;
Радуйся, кровми своими и мученическою смертию таинственно Христа причастивыйся.
Радуйся, Мучеников Христовых веселие;
Радуйся, Исповедником Русским приобщение.
Радуйся, Мучениче Игоре, Русский Сладкопевче.
Кондак 8
О грядущем убиении и воскресении своем возвещал еси, Мучениче Игоре, хотяй Веру Православную на Земли Русской утвердити и Христа скорое Второе Пришествие провозвестити, побуждая всех бодренным гласом воспети Богу: Аллилуиа.

Икос 8
Иже имый с Сонмом Святых Своих приити судити мир, во зле лежащий, Всещедрый Господь и Спаситель Иисус Христос даровал тебя, святе Игоре, яко бодраго Воина и Стража, непрестанно бдящего и ревнующаго о славе Отечества нашего земнаго, духовныя очи твои возводящаго к Небесному Отечеству, идеже ныне пребывавши. Сего ради воспеваем ти таковая:
Радуйся, на крылах Боголюбивой души своея от земли к Небеси воспаривый;
Радуйся, орлиные очеса своя ко Христу, яко к солнцу правды возвысивый.
Радуйся, мусикинских органов, яко новый Давид персты своими касавыйся;
Радуйся, в мужественных песнех своих вражией ненависти не убоявыйся.
Радуйся, о непреходящей Славе России Пророче изрядный;
Радуйся, Христу Воскресшему Пасхальный цветок приятный.
Радуйся, Мучениче Игоре, Русский Сладкопевче.
Кондак 9
Душу свою за Державу Российскую полагая и слезы за нея точаше, Пресвятая Дева Матерь Божия тебя в радость и утешение, яко подобнаго Сыну Своему, во объятия Свои Богоматернии прияла еси, егда и ты положил душу свою за Правду Божию и за Народ, исполняя Заповедь Христовой Любве и воспевая Богу: Аллилуиа.
Икос 9
Вития многовещанныя, яко рыбы безгласныя, не возмогут возрещи высоту твоего парения, орле яснозрящий, яко чистую и любвеобильную душу твою непрестанно к Истине возносил еси и таланты твоя, Богом тебе дарованныя, изрядно преумножил еси. Тем же и мы радостно вопием ти:
Радуйся, радость Богородице принесший;
Радуйся, ко Христу многия юные сердца приведший.
Радуйся, Богом Земле Русской дарованный;
Радуйся, в жертву Богу уготованный.
Радуйся, Богу благоуханное кадило;
Радуйся, Божественного Огня светило.
Радуйся, Мучениче Игоре, Русский Сладкопевче.

Кондак 10
Скорое услышание слезам матери своея Ольги явился еси, егда многострадальное ея сердце утешил еси в сонном видении, досточудне Игоре, показуя себе яко славнаго Воина Христова, шеломом златым увенчаннаго, приглашая и нас со обрадованной родительницею твоею воспеть Богу: Аллилуиа.
Икос 10
Яко светозарный луч явился еси Земле нашей, исполняя собою волю Господню и показуя всем истинное мужество и непрестанную любовь к Богу и людем, да вси тебе радостно вопием:
Радуйся, поэтов и музыкантов славо;
Радуйся, Воинов Христовых похвало.
Радуйся, всего себе Истине предавый;
Радуйся, мученический венец приявый.
Радуйся, любве Певец неистощимый;
Радуйся, в сердцах людей хранимый.
Радуйся, Мучениче Игоре, Русский Сладкопевче.

Кондак 11
Яко зерно пшеничное в землю возлег еси, Мучениче Игоре, идеже Честный Крест, на нем же Христос Распятый всем приходящим на благодатную могилу твою всемилостивыя руце Свои простирает и всех, притекающих поклониться честным мощем, яко Русской Земли сокровищу, под Крестом сокрытому, призывает в благоговении воспеть: Аллилуиа.
Икос 11
О, Столп Веры и Жезл Правоты всем, к мощем твоим с любовию притекающим, и непрестающее укрепление и вдохновенное научение мужеству и крепкому стоянию за Россию, прими ныне пения сия:
Радуйся, Российской Державы сияние;
Радуйся, врагов Отечества нашего попрание.
Радуйся, песне, в Небеса воспарившая;
Радуйся, свеще, тьму уныния осветившая.
Радуйся, знаме, ветром благодати вдохновляющее;
Радуйся, колокол, всех бодрствовати призывающий.
Радуйся, Мучениче Игоре, Русский Сладкопевче.
Кондак 12
Дивен Бог, во Избранных Своих почиваяй и победные венцы им доставляй, и даруяй нам Святых Своих в помощь во брани противу полчищ сатанинских, воюющих на нас и на Державу нашу. Мы же взирающе на подвиги их многоразличныя, яко на многоценно излившуюся в мир Премудрость Божию, поем победную песнь: Аллилуиа.
Икос 12
Поющее страдания твоя, избранниче Божий и Мучениче Святый Игоре, поклоняемся твоему мужественному стоянию за Землю Русскую и Веру Православную, знамение Победы – Крест твой с честию даже до мученического венца понесший, нам же отринути всякое малодушие и боязливость, но паче всего бодрствовати и радоватися завещавый. Темже благодарне зовем ти:
Радуйся, Христу под нозе Его врагов пологавый;
Радуйся, ярость Божию на врагов Его утолявый.
Радуйся, Воинства земнаго и Небеснаго сочетание;
Радуйся, дольних к Горним призвание.
Радуйся, Премудрости исполненный зело;
Радуйся, всех любящих тебя похвало.
Радуйся, Мучениче Игоре, Русский Сладкопевче.

Кондак 13
О, пречудный и преславный Певец Земли Русския, Мучениче Святый Игоре Русский Сладкопевче, Христу Возлюбленному друже приятный, Пресвятей Деве Богородице – Матери Его благодатное усыновление, Святаго Царя-искупителя Николая верный служителю и всем людем, почитающим тебе и твой светлый образ в сердцах своих хранящим – велие утешение и похвало. Услыши молитвы наша, тебе возносимыя о Державе Российстей, за нея же душу свою положил еси, и Благочестивом Государе Императоре ея (ЕГОЖЕ имя Ты, Господи, веси), и умоли Всемилостиваго Господа Иисуса Христа всякия разделения, шатания и неустройства в мире прекратити, и паки на первое достояние возвратити, да прославится в нас и чрез нас Пресвятая, Единосущная и Нераздельная Троица – Отец, и Сын, и Святый Дух победною песнею: Аллилуиа. Аллилуиа. Аллилуиа.
Сей Кондак читается трижды, затем Икос 1 и Кондак 1.

Молитва Святому Мученику Игорю, Русскому Сладкопевцу.

О, пречудное сокровище Земли нашея, Мучениче Святый и Пророче, Сладкопевче Русский Игоре. Внемли ныне сугубому молению нашему и испроси у Господа Бога, Ему же с Царем-искупителем Николаем, Ангелы и всем Небесным Воинством предстоиши на Небесех, даровати нам Царя Самодержавного на конец времен, возставити Державу Российскую и простити Народ ея за грех отступления от Царя-Богопомазанника, от ига жидовского свободити и на пути Истины и Спасения всегда направляти. Ты бо еси велий заступник и молитвенник Святой Руси, в годину тяжкую явленный. За таковая же подвиги прослави тя Всемогущий Бог, Ему же Слава подобает Отцу, и Сыну, и Святому Духу, ныне и присно, и во веки веков. Аминь.

Акафист благоверному князю Игорю Черниговскому и Киевскому

Кондак 1

Избранный страстотерпче Христов, благоверный княже Игоре, возсиявый людем твоим, яко звезда пресветлая: ты бо славу земнаго княжения оставил еси и во иночестве Господеви работати вожделел еси, страдальчески земное житие скончав, и ныне, радуяся, предстоиши престолу Святыя Троицы. Молитвами твоими от всяких зол и напастей охраняй нас, да благодарственно со умилением зовем ти: Радуйся, святый благоверный княже Игоре, во смирении за истину терпящим скорый помощниче.

Икос 1

Ангельски поживши на земли, от юности возлюбил еси Божественное учение и сему последовав добрым житием, немолчно прославлял еси имя Господне чтением книг священных и пением церковным. Сего ради тебе, на небеси и на земли прославленному, вопием сице:

Радуйся, от рождения твоего Богом избранный.

Радуйся, семя слова Божия от юности восприявый.

Радуйся, великий угодниче Божий, благочестивую жизнь на земли возлюбивый.

Радуйся, путем трудным и тесным житие земное прошедый.

Радуйся, правды ради душу твою положивый.

Радуйся, от Царя Небеснаго, венец мученический приемый.

Радуйся, святый благоверный княже Игоре, во смирении за истину терпящим скорый помощниче.

Кондак 2

Видя Господь чистоту сердца твоего, блаженне княже Игоре, избра тя зрети славу небесную, ты бо паче всего возлюбил еси чистоту душевную и телесную, и ради страданий временных, уповая избежати мучений вечных, великий угодник Божий был еси, и лицем к лицу зрети Господа удостоился еси. Темже притекающе к тихому пристанищу молитв твоих, вопием Христу Богу: Аллилуиа.

Икос 2

Разум озаренный благодатию Божиею из млада имел еси, княже Игоре, от юности бо хранил еси в сердце твоем закон Христов, великим угодником Божиим, прошедшим тернистым путем во Царствие Небесное, подражая. Темже и мы, уповая на твое предстательство, молимся: буди нам скорый помощник и покровитель в земном житии нашем, да благодарно вопием ти:

Радуйся, избранный и верный рабе Христов.

Радуйся, от юности чистоту жития возлюбивый.

Радуйся, из млада единому Христу угождавый.

Радуйся, Иисуса ради вся напасти безропотно претерпевый.

Радуйся, Тому единому всею душею прилепивыйся.

Радуйся, всего себе на страдания правды ради предавый.

Радуйся, святый благоверный княже Игоре, во смирении за истину терпящим скорый помощниче.

Кондак 3

Силою Вышняго, дарованною тебе, и долготерпением твоим укреплен был еси, блаженне, егда враг рода человеческаго наведе на тя люди злы, во еже лишити тя славы княжеския. Темже, дивящеся богатству терпения твоего, воспеваем укрепившему тя Господу песнь: Аллилуиа.

Икос 3

Имея желание в души своей вся красная и сладкая мира сего оставити и Христу последовати, еще млад сый, избрал еси себе путь служения Господеви. Мы же, подражая житию твоему и почитающе честная страдания твоя, правды ради претерпенная, величаем тя сице:

Радуйся, в души своей имевый желание мир оставити и Господеви послужити.

Радуйся, вся красная и сладкая мира сего презревый.

Радуйся, совершенную любовь ко Господу стяжавый.

Радуйся, за кротость души твоея наследие жизни вечныя получивый.

Радуйся, ум твой, сердце и волю в Бозе утвердивый.

Радуйся, дивную кротость духа в скорби показавый.

Радуйся, святый благоверный княже Игоре, во смирении за истину терпящим скорый помощниче.

Кондак 4

Бури житейских бед и напастей не возмогоша поколебати крепости души твоея, благоверный княже Игоре, основана бо бе на твердем веры Христовы камени. Мы же, дивящеся великому терпению твоему, со умилением взываем Богу: Аллилуиа.

Икос 4

Слыша и видя, княже блаженне, распри и раздоры, врагом рода человеческаго воздвизаемыя, егда вступи на престол Киевский, абие восхотел еси вразумити люди своя и привести их к миру и благоразумию. Сего ради с любовию взываем ти:

Радуйся, яко тобою всякая вражда и злоба побеждаются.

Радуйся, чистоты веры и незлобия дивное воплощение.

Радуйся, образе кротости и терпения.

Радуйся, зерцало совершеннаго незлобия.

Радуйся, многими скорбьми в радость Господа твоего вшедый.

Радуйся, помогаяй и нам терпети скорби и поношения.

Радуйся, святый благоверный княже Игоре, во смирении за истину терпящим скорый помощниче.

Кондак 5

Боготечную звезду зрим тя, угодниче Божий, тя бо, восприимшаго великия страдания, прослави Господь, яко вернаго раба Своего, невинно убиеннаго злыми человеки по наущению диавольскому. Мы же, взирающе с любовию на честный образ твой, приклоняем колена, со умилением поя: Аллилуиа.

Икос 5

Видевше великий князь Киевский Всеволод, яко преклонился есть к вечеру день жития его, призва тя, Игоре блаженне, и завеща ти престол княжеский. Ты же воли брата твоего, яко воли Божией повинуяся, все упование на Господа возложил еси. Мы же, похваляя таковое смирение твое, воспеваем ти:

Радуйся, яко до конца крест жития твоего безропотно понесл еси.

Радуйся, благочестием Богови и людем послуживый.

Радуйся, велению брата своего покоривыйся.

Радуйся, в народоправлении велию добродетель показавый.

Радуйся, всем братолюбцем присное ободрение.

Радуйся, от людей своих велию любовь стяжавый.

Радуйся, святый благоверный княже Игоре, во смирении за истину терпящим скорый помощниче.

Кондак 6

Проповедником добродетелей христианских был еси, княже Игоре, поучая любити братию и народ свой. Мы же ублажаем тя, яко добраго и истиннаго последователя Христова, живот свой за люди твоя положившаго, воспевая Господеви песнь: Аллилуиа.

Икос 6

Возсиял еси богоугодным житием твоим, благоверный княже Игоре, все упование свое на Господа, вся во благо устрояющаго, возлагая. Мы же, восхваляя подвиги твоя, глаголем сице:

Радуйся, яко в житии твоем добродетельми просиявый.

Радуйся, чистотою сердца твоего Господа созерцавый.

Радуйся, в несении трудов великаго княжения помощь от Господа получивый.

Радуйся, яко вместо княжеских почестей – мучения и скорби мужественно претерпевый.

Радуйся, иго Христово, благое и легкое, на рамена своя восприявый.

Радуйся, терпению Христову верно подражавый.

Радуйся, святый благоверный княже Игоре, во смирении за истину терпящим скорый помощниче.

Кондак 7

Хотящу ти, блаженне, воли Божией покоритися, не воспротивился еси воином князя Изяслава, егда тии тя, еле жива суща, в хладном порубе заключиша, идеже ты, подобно Даниилу пророку, заточенному в рове львином, непрестанно взывал еси Богу: Аллилуиа.

Икос 7

Новаго видим тя избранника Божия, благоверный княже Игоре, егда пременил еси княжения славу во иночества образ смиренный. Ты бо, вся благая презрев, желанием восхотел еси единому Богу поработати. Темже, таковому твоему смирению и кротости дивящеся, вопием ти:

Радуйся, страдания лютая невинно претерпевый.

Радуйся, образ любве и незлобия нам показавый.

Радуйся, вся благая мира сего ни во что же вменивый.

Радуйся, злобу и коварство диавола смирением победивый.

Радуйся, послушанию иноческому всецело предавыйся.

Радуйся, усердным молитвенником за люди твоя явивыйся.

Радуйся, святый благоверный княже Игоре, во смирении за истину терпящим скорый помощниче.

Кондак 8

Странник и пришлец, по апостолу, явился еси на земли, боголюбезне княже, дольняя бо вся презрев, горняя взыскал еси, все помышление твое ко Господу имеяй. Темже помози и нам, молитвами твоими, добродетельное житие возлюбити, да купно с тобою вопием Богу: Аллилуиа.

Икос 8

Всею душею от юности Богу послуживый, блаженне княже Игоре, сего ради Господь прослави тя, Своего угодника, кротости ради и смирения твоего. Мы же, сим добродетелем последовати тщащиися, вопием ти радостно:

Радуйся, от юности Господа всею душею возлюбивый.

Радуйся, делы благими Христу благоугодивый.

Радуйся, всем житием твоим Бога прославивый.

Радуйся, тесный путь спасения от юности избравый.

Радуйся, благодать Божию в сердце своем стяжавый.

Радуйся, житие свое иночеством украсивый.

Радуйся, святый благоверный княже Игоре, во смирении за истину терпящим скорый помощниче.

Кондак 9

Всего себе покорил еси воли Господни, яко раб благий и верный, егда пострижение иноческое восприим, во обитель святаго Феодора вселился еси, идеже всецело посту и молитве предался еси. Сего ради сподобился внити в радость Господа своего, Емуже предстоиши ныне со Ангелы, поя: Аллилуиа.

Икос 9

Витии многовещанныя не возмогут по достоянию восхвалити страдания твоя, страстотерпче Христов, княже Игоре, ниже уразумети глубины упования твоего, приимши бо весть о убиении твоем, потщался еси в церковь Господню, со слезами пред образом Царицы Небесныя моляся. Убийцы же твои, яко звери дивии, емше тя молящагося, бив, повлекоша тя из храма. Ты же, благодатию Божиею укрепляемь, страдания кротко претерпел еси, за убивающих тя Господа умоляя. Сего ради величаем тя сице:

Радуйся, все упование на Господа и Его Пречистую Матерь возложивый.

Радуйся, на мучение безропотно предавыйся.

Радуйся, благодатию Божиею укрепляемь, страдания мужественно претерпевый.

Радуйся, яко сего ради венцем мученическим украшенный.

Радуйся, за убивающих тя кротко моливыйся.

Радуйся, душу свою в руце Божии радостно предавый.

Радуйся, святый благоверный княже Игоре, во смирении за истину терпящим скорый помощниче.

Кондак 10

Спасти хотя душу свою, вся земная и временная во уметы вменил еси, неуклонно стопам Спасителевым последствовав. И ныне с лики ангельскими веселяся, немолчно вопиеши Прославльшему тя Господеви: Аллилуиа.

Икос 10

Стеною терпения оградився, верный раб Царя Небеснаго был еси: вражиих бо устрашений не убоявся, всего себе в руце Божии предал еси и страдания мужественне претерпел еси. Мы же, чтуще святую память твою, ублажаем тя, вопиюще:

Радуйся, великий княже Игоре, престолу Небеснаго Владыки предстояй.

Радуйся, венец твой княжеский кровными каплями, яко драгими камнями украсил еси.

Радуйся, образ вернаго служения Богу терпением своим показавый.

Радуйся, житие свое тесною стезею мучений и страданий прошедый.

Радуйся, яко пред великим мужеством твоим, вернии преклоняются.

Радуйся, яко и ныне не престаеши благодеяти призывающим тя.

Радуйся, святый благоверный княже Игоре, во смирении за истину терпящим скорый помощниче.

Кондак 11

Пение хвалебное приносим дивному во святых Своих Богу нашему, даровавшаго Церкви Своей и стране нашей дивнаго чудотворца и усерднаго молитвенника – благовернаго князя Игоря, иже и поныне не престает молитися за ны и научая пети всех: Аллилуиа.

Икос 11

Свет славы небесныя осия святое и многострадальное тело твое, страстотерпче Христов, егда оное положено бысть в церкви святаго Михаила. Людие же, окрест гроба твоего стоящии, и возжегаемыя невидимою рукою свещи и лампады зряще, приидоша в трепет и ужас, познавая, яко тако прослави Бог угодника Своего; тебе же, богомудре княже, воспеша тако:

Радуйся, усердный наш пред Богом молитвенниче и предстателю.

Радуйся, яко Господь прослави тя знаменьми и чудесы.

Радуйся, сиянием небеснаго света озаренный.

Радуйся, непорочную душу твою в руце Божии предавый.

Радуйся, нетленное тело твое в помощь нам оставивый.

Радуйся, яко за смиренномудрие твое венцем славы от Бога увенчанный.

Радуйся, святый благоверный княже Игоре, во смирении за истину терпящим скорый помощниче.

Кондак 12

Благодать единения и братолюбия испроси нам у Всещедраго Бога, угодниче Христов, да вси людие возлюбят друг друга и единодушно исповедят веру Православную, воспевая Спасителю нашему: Аллилуиа.

Икос 12

Поюще добродетельное житие твое, ублажаем мученическую кончину твою, восхваляем и пренесение честных и многоцелебных мощей твоих из стольнаго града Киева во град Чернигов, воспеваем славу твою, иже на небесех, и усердно молим тя, страстотерпче княже Игоре: не возгнушайся нас, грешных и недостойных, зовущих ти:

Радуйся, яко великия благодати от Бога сподобивыйся.

Радуйся, яко теплый молитвенник и заступник от Бога нам дарованный.

Радуйся, яко всем призывающим тя скорый помощник бываеши.

Радуйся, духовнаго веселия сердца наша исполняющий.

Радуйся, в лице Русских святых славою многою от Бога превознесенный.

Радуйся, яко благочестивых множества любовию празднуют святую память твою.

Радуйся, святый благоверный княже Игоре, во смирении за истину терпящим скорый помощниче.

Кондак 13

О, многострадальный страстотерпче Христов, благоверный великий княже Игоре! Приими сие малое, обаче от любящих сердец приносимое тебе сие моление наше, защити всех нас, за истину обиды и поношения терпящих, уврачуй душевныя и телесныя недуги, и от всех бед и скорбей избави ны да, благодарни суще, вопием Богу: Аллилуиа.

(Этот кондак читается трижды, затем икос 1 и кондак 1)

Молитва

О святый угодниче Божий, страстотерпче благоверный, княже Игоре! Ты из млада Бога возлюбил еси, мудрования плотская, честь и славу княжескую ни во что же вменил еси и монашескаго образа, еще юный леты, достигл еси, к Богу единому всею душею твоею прилепился еси, и благое иго Христово на ся взем, путем спасительным неуклонно шествовал еси даже до смерти мученическия. Сего ради венча тя Господь, блаженне Игоре, венцем славы и прият в Своя Небесныя селения, идеже ты ныне, неизреченныя славы и радости наслаждающеся в невечернем дни Царствия Христова, с лики святых страстотерпцев и всех святых Бога о нас умоляеши. Молимся тебе, святче Божий, припадая к честному образу твоему: молися о нас грешных и непотребных, испроси молитвами твоими мира державе нашей, граду сему (и святому храму сему) благодати и милости. Церковь святую огради молитвами твоими от ересей и расколов, пастырем ея испроси ревность и благочестие, всем же нам любовь нелицемерную и терпение даруй, грехов наших прощение, болезней и всяких недугов исцеление. Покрый и сохрани всех нас от всяких бед, скорбей и напастей, да, благодаряще, прославим Святую Живоначальную Троицу, Отца и Сына и Святаго Духа, во веки веков. Аминь.

Акафист князю Игорю

18.06 благоверного князя Игоря и Игоревской иконы Божией Матери

Акафист благоверному князю Игорю Киевскому и Черниговскому

Избранный от княжеского служения к тесному пути страстотерпца Христова, воистину доблий страдалец явился еси, великий благоверный княже Игоре. Сего ради Церковь Христова ныне ублажает тя, призывая всех верных чад своих вопити тебе тако:

Радуйся, святый благоверный великий княже Игоре!

Ангелов Творец и Царю всех, видя чистого сердца твоего изволение, к Богу стремление и чистоту голубиную, призва тя к славному подвигу делания монашеского, уз страдальца и исповедания мученического, иже с ангельским терпением и кротостью претерпел еси. Сего ради явился еси утверждение Державы Российския, исповедников славо и мучеников похвало. Мы же, дивясь таковому подвигу твоему, восхваляем тя по долгу званиими сими:

Радуйся, яко Царь Давид, кротостью своею Богу угодивый!

Радуйся, венца княжеского, свободы и славы земной лишенный!

Радуйся, к лику стратотерпцев причтенный!

Радуйся, все мучения кротко претерпевый!

Радуйся, яко в сонме преподобных Богу предстоиши!

Радуйся, яко и в лике мучеников ныне достойно веселишися!

Радуйся, святый благоверный великий княже Игоре!

Видяще тебя звероподобные мучители твои достойна венца великого князя киевского, иже по праву тебе принадлежа, распыхахуся на тя злобою, тщашася тебя отцовского наследства лишити и сим коварством завладети, Бога не бояся и человек не срамляся, не ведуще пети:

Разум неуразумеваемый явися жестокому веку сему славное житие твое, о славный страстотерпче великий княже Игоре! Како, земной славы, княжеского венца, иже по праву тебе принадлежа, и самой свободы лишен, ничего же супротив мучителей своих рекл еси, в исполнение воли Божия волю свою предавая. Сего ради воспеваем ти сицевая:

Радуйся, аки агнец кроток, на заколение мучителями ведомый!

Радуйся, Христу тем уподобивыйся!

Радуйся, лишение княжеского венца в волю Божию предавый!

Радуйся, ничего же противу пострижения в монашество воспротивыйся!

Радуйся, суетной земной славы лишенный!Радуйся, к воинству Небесному причтенный!

Радуйся, святый благоверный великий княже Игоре!

Сила Вышнего осени тогда тебя, о славный страстотерпче, егда недостойная овцы твои, преступив крестное целование, гордо рекли еси: «Не хотим быть в наследстве», отреклись от тебя, великий княже Игоре, не ведуще пети:

Имуще Заступника Самого Господа, Творца всяческих, о славный княже Игоре, ты, преданный клевретами своими, четыре дня, аки Давид в пустыне, в болотах киевских скрывался еси, от мести нечестивых друзей своих и предавшей тебя паствы спасения ища. Сего ради мы, таковой людской злобе и неблагодарности дивяся, величаем тя тако:

Радуйся, в болотах киевских, аки Давид в пустыне, спасения искавый.

Радуйся, житие свое всецело предавый в волю Божию.

Радуйся, от неблагодарной паствы своея до нищеты смирившийся!

Радуйся, от нея оболгание, в узы предание и до самой смерти умучение приявый!

Радуйся, кротостью своим сродникам Борису и Глебу уподобивыйся.

Радуйся, венцем мученическим, подобно им, увенчанный.

Радуйся, святый благоверный великий княже Игоре!

Бурею внутрь имея помышлений сумнительных, нечестивии соотечественники твои, злобою воздвизаемы, посадили тя в поруб, идеже ни окон, ни дверей. Сие страшное злодеяние накануне славного праздника Происхождения Честных Древ Креста Господня, Всемилостивого Спаса и Пресвятой Богородицы совершиша, к беззаконию беззаконие преложиша, не ведуще пети:

Слышаша о таковом горе, в земле русской совершившемся, все праведнии люди русские над твоей судьбой плакася горько, о умалении любви, верности и покорности воле Божией и властям, от Него поставленным: «Увы! Где любовь?», сокрушаясь. Видя в тебе, о страстотерпче Божий, нового молитвенника и печальника родной земли, хотя и сана княжеского лишенного, но тем паче Богом прославленного, величали тя сице:

Радуйся, печальниче и заступниче Российския земли!

Радуйся, верный о нас к Богу ходатаю!

Радуйся, достойный о нас Богу предстоятелю!

Радуйся, о всех обидимых молитвенниче!

Радуйся, яко сам узы претерпевый, о всех в узах находящихся молитвенниче теплый!

Радуйся, за всех невинно пострадавших и обидимых славный к Богу ходатаю!

Радуйся, святый благоверный великий княже Игоре!

Боготечней звезде всей Земле Российской явилось славное житие твое, о страстотерпче великий княже Игоре. На тебе сбыся словеса Божия, яко сила Божия в немощи совершается. Ты, земной славы, могущества и свободы лишен, яко светильник пред Богом явился еси, в сокровенных сердца поя Тому:

Видяще тебя, о славный страстотерпче княже Игоре, в порубе тяжкой болезнью сокрушеннного, так что осемь дней ни пить, ни есть не возмог еси, но духом могуча, так что ни токмо иночество с именем Гавриил, но и схиму великую с именем Игнатий принял еси, тем всецело не токмо от власти и княжеского венца, по праву тебе принадлежащего, но и от мира всецело отвергшись, отцом лжи распаляемы, паче того распыхахуся на тя злобою. Сего ради сбыся на тебе слово Писания, яко «предаст брат брата на смерть», и «убивающие вас будут думать тем службу приносити Богу», «претерпевый же до конца спасется» (Матф 10-21). Тебя, до конца все претерпевшему и ныне о нас Творцу всех молящемуся, мы, меньшии братия твои, ублажаем похвалами сими:

Радуйся, насильственное в монахи пострижение яко волю Божию приявый!

Радуйся, яко тем угоден Богу паче славных иноков ставший!

Радуйся, яко верный раб Христов, до конца все претерпевый!

Радуйся, венец страдальческий от Господа приявый!

Радуйся, яко в лике преподобных твое имя ублажается!

Радуйся, яко и в сонме мучеников достойно предстоиши!

Радуйся, святый благоверный великий княже Игоре!

Проповедует Церковь Российская тебя, княже Игоре, яко славного страстотерпца Христова, ты бо, гонения, славы земной лишение, в узы темничные заключение и муки смертные от своих рабов прияша, ныне на небесех достойно веселишися, поя Богу:

Возсиял еси в Земле Российской яко столп и основание Истины, иже есть Господь наш Иисус Христос, и утверждение Державы Российския, яко теплого молитвенника о людях русских и непреложного ходатая о всех нуждах наших к Владыке всех тя вемы. Сего ради ублажаем тя тако:

Радуйся, жестоких нравов суетноговека сего обличителю!

Радуйся, Ангел Божиих и всех святых сожителю!

Радуйся, о Земле Русской молитвенниче неусыпный!

Радуйся, до самого Страшного Суда о ней пред Богом ходатаю!

Радуйся, всем пекущимся о благе Родины твоея скорый помощниче!

Радуйся, всем верным чадам Церкви Православной дивный заступниче!

Радуйся, святый благоверный великий княже Игоре!

Хотя тебя, о святый княже, законного венца княжеского и самой жизни лишити, беззаконная паства твоя, исконным врагом рода человеческого рспаляема, замыслиша ковы на тебя, законного правителя своего, не желая славу законную воздать Богу:

Нового страстотерпца Христова и славного Русской земли заступника вемы тя, о святый княже Игоре, ты бо, смертного часа чая, перед чудотворной иконой Богоматери, иже Игоревской наречеся, пав в слезах, во время Бескровной Жертвы Господней, тако молился: «Господи! призри на немощь мою, чтобы, уповая на Тебя, мог я перенесть все; благодарю Тебя, что Ты смирил меня; удо­стой взять меня из этого мятежного и мрачного мира в Твой свет». Мы же, дивясь твоей неизреченной кротости и покорности воле Божией, ублажаем тя похвалами сими:

Радуйся, всеконечно предавыйся в волю Божию!

Радуйся, венцем мученическим за то увенчанный!

Радуйся, скорбь свою перед иконой Богородицы изливавый!

Радуйся, яко икона та молитв твоих ради чудодействует!

Радуйся, от ближних своих смерть жестокую приявый!

Радуйся, за то на небесех для их потомков пред Богом ходатаем славным ставый!

Радуйся, святый благоверный великий княже Игоре!

Странна бысть неверующим людям честная кончина твоя, о святый благоверный княже Игоре, како всю жизнь и смерть свою в руки Божии предал еси, ничего же противу звероподобных мучителей рекл еси, не ведущих пети:

Весь бо вышних пребываеши, о святый благоверный княже Игоре, Творцу всяческих в соборе святых предстоя, но и нас нижних не оставляеши ходатайством твоим, о всех нуждах наших Владыку всех умоляя. Сего ради слышаши от нас сия:

Радуйся, о нуждах всех верных славный к Богу ходатаю!

Радуйся, угодниче Божий и Пресвятыя Богородицы!

Радуйся, всея Земли Русския теплый молитвенниче!

Радуйся, страже ея неусыпный!

Радуйся, о всех в ней страждущих молитвенниче теплый!

Радуйся, до Страшного Суда Христова о ней пред Богом ходатаю!

Радуйся, святый благоверный великий княже Игоре!

Всякия верныя чада Православныя Церкви и пекущиеся о благе Земли Российския имеют тя верного заступника и теплого молитвенника пред Престолом Господним. Сего ради и слышаши от всех нас:

Ветия многовещанныя суетного века сего видим о тебе яко рыбы безгласныя, славный княже Игоре, недоумеют бо разумети, како ни единого гласа противу мучителей своих глагола, венец страдальческий восприял еси, ныне славный заступник всем чадам Православныя Церкви и властям Державы Российской пребываеши. Сего ради по всем весям страны нашия слашаши похвалы сия:

Радуйся, мучителей своих пред кончиной кротко обличивый!

Радуйся, венцем страдальческим от Господа увенчанный!

Радуйся, всем житием своим сродником Борису и Глебу последовый!

Радуйся, вместе с ними к собору мучеников причтеннный!

Радуйся, Борису и Глебу помощниче в защите православных!

Радуйся, всем неправедно гонимым покровителю!

Радуйся, святый благоверный великий княже Игоре!

Спасти хотя душу, славы земной лишение, в узы заключение, болезни и страдания и самой жизни лишение яко волю Божию приял еси, о славный угодниче Божий княже Игоре. Ныне на небесах Господу предстоиши, поя Ему:

Стена еси всем надеющимся на помощь твою и служити Державе Российской хотящим является заступление твое, о святый княже Игоре. Сего ради ныне Святая Церковь, восхваляя тя, научает нас воспевати тебе тако:

Радуйся, Страны Российской покровителю!

Радуйся, всех верных защитителю!

Радуйся, властей ея премудрый наставниче!

Радуйся, от всех бед наш надежный защитниче!

Радуйся, всем добре начальстующим в земле Российской споспешниче!

Радуйся, всем православным в ней надежный помощниче!

Радуйся, святый благоверный великий княже Игоре!

Пение непрестанное о тебе приносят все верныя чада Православныя Церкви, о благоверный княже Игоре, во всяких бо нуждах наших помогаеши, обидимых заступаеши, во всех обстояниях жизни нашея волю Господню творити научаеши. Сего ради непрестанно Богу о тебе поем:

Светозарному светочу, во тьме века сего светящему было подобно славное житие твое, о страстотерпче Христов славный княже Игоре. Како бо, славы княжеской, свободы и самого жития лишен, всего себя в волю Господню предал еси, во всех обстояниях жизни нашея видеть волю Божию, благую, совершенную и все во благо устрояющую нас научая. Сего ради, о кроткий исповедниче Христов, источник разума Божественного явился еси, на похвалы нас подвизая сицевыя:

Радуйся, разуме, Духом Святым просвещенный!

Радуйся, Самим Подвигоположником Христом Богом наученный!

Радуйся, учащий во всем видети волю Божию, благую и совершенную!

Радуйся, о всех страдальцах теплый к Богу молитвенниче!

Радуйся, всех пекущихся о благе Церкви и Отечества добрый споспешниче!

Радуйся, всех защитников их добрый защитниче!

Радуйся, святый благоверный великий княже Игоре!

Благодати источник неиссякаемый яви тебя благодати Податель, о стастотерпче Христов великий княже Игоре. Сего ради все верныя вопиют Богу о тебе:

Поюще твое славное житие, о святый страдалец Христов благоверный княже Игоре, ныне Святая Церковь, яко славного угодника Божия тебя имея, достойно веселится. Сего ради по всем концам Земли Российския верныя чада ея вохваляют тя тако:

Радуйся, всем обидимым помощниче!

Радуйся, неправедно гонимым защитниче!

Радуйся, во всех скорбях заступление!

Радуйся, унывающих утешение и ободрение!

Радуйся, страдальцев славо!

Радуйся, всех мучеников похвало!

Радуйся, святый благоверный великий княже Игоре!

О, святый благоверный княже Игоре, Земли Русския печальниче и заступниче, всех обидимых покровителю и неправедно гонимых утешение! Нынешнее наше моление прими и от всякия скорби, бед и напасти избави всех, Богу о тебе вопиющих:

Сей кондак глаголи трижды, затем Икос 1 и Кондак 1.

Молитва Святому Благоверному князю Игорю.

О мужественный исповедниче Христов, великий благоверный княже Игоре, мучеников славо, стрстотерпцев венче и преподобных украшение! Ты во дни земного своего жития славный путь исповедника и страстотерпца Христова прошед, воистину всем вся явился еси. Ты, царствия земного лишен, славный ходатая Царствия Небесного всем к тебе прибегающим являешися. Ты, земной отрады и утешения лишен быв, воистину приобрел еси благодать всем страдальцам скорби их облегчати утешение тем даровати.

Ты, лишения, тугу, в узы темничные заключение восприяв, воистину приобрел еси благодать всем скорбящих утешати, от уз разрешати и скорбь на радость прилагати. Ты, всего земного лишен,не токмо Царствие Небесное приобрел еси, но благодать всем к тебе обращающимся добре житие их устрояти, к Царствию Небесному всех нас путеводя.

Ей, славный угодниче Божий! Веруем, что вся сия испросити нам можеши. Сего ради молим тя: будь нам верный ходатай и теплый молитвенник пред Престолом Господним.

Испроси властям нашим силу, мудрость, терпение, во всем благое поспешение и на враги одоление, пастырям — благодать и премудрость Божию, иже вести ко спасению пасомых, добрый путь в Царствие Христово всем нам указуя. Всем обидимым дай терпение, всяческих скорбей совершенное их избытие и на радость тех скорое преложение, обидимым — страх Божий и к братолюбному добродетельному жительству обращение, судиям — праведность и нелицеприятие, иже творить суд во славу Божию, лишь Одному Судии Праведному изо всех сил угождая и подражая. Напаствуемых от всяких напастей избавь, печальным будь утешитель, тужащим — отрада и утешение, да тако, тесный путь сего жития прошед, непреткновенно пройдем воздушные мытарства миродержителя князя сего и достигнем рая нам вожделенного, иже будем с тобой и со всеми святыми славити всечестное и великолепное имя Вседержителя Христа Бога нашего во веки веков. Аминь.

Составитель сего текста, как и все, обременен многочисленными скорбями, в том числе и от людей, подавляющих истину неправдою, и просит молитв о себе и своих близких:

Источники:

http://subscribe.ru/group/bliz-pri-dvereh/8382346/
http://azbyka.ru/days/caa/97
http://lit-salon.ru/stihi/akafist-knjazyu-igoryu-54864.html